Hibrid Elektrik texnologiyasının üstünlüyü
Toyota şirkətinin beşinci nəsil hibrid elektrik güc qurğusu ilə təchiz edilmiş Corolla Sedan avtomobilinin idarəolunması zövq verməklə yanaşı, yanacaq baxımdan da səmərəlidir. Demək olar ki səssiz elektrik enerjisi ilə daxili yanma mühərrikini birləşdirən Corolla Sedan hərəkət zamanı özü enerji yığmaqla sizi əlavə qayğılardan azad edir.
Komfort və nəzarət
Rahat hərəkət, güvən hissi bəxş edən stabillik və çevik idarəetmə sayəsində Corolla Sedanı sürməkdən zövq alacaqsınız. Avtomobilin yüksək səviyyəli tərtibatının və təhlükəsizliyinin açarı olan möhkəm konstruksiya onun heyrətamiz idarəetmə dinamikasının əsasını təşkil edir.
Daha yaxşı idarəetmə və performans, eləcə də təhlükəsizlik məqsədilə yarış avtomobillərinin ağırlıq mərkəzi yerə maksimum yaxın olur. Corolla Sedanın da ağırlıq mərkəzi eyni səbəblərdən aşağıda yerləşir.
Corolla Sedanın bənzərsiz dinamik individuallığı uzun zəhmət tələb edən asqı nizamlanmasının nəticəsidir. O, tam nəzarət hissi ilə komfortu təmin edir.
Rahat sükan idarə sistemi, döngələrdə yüksək manevretmə və stabil hərəkət sayəsində Corolla Sedanı idarə etmək əyləncəli və etibarlıdır.
Corollanın kuzovunun sərtliyi asqının düzgün işini təmin edərək daha həssas idarəetməyə, üstün komforta və yüksək səviyyəli təhlükəsizliyə səbəb olur.
Hərəkətin komfortlu olmasının bir sıra üstünlükləri var. Stabilliyin artırılması sayəsində hər səfər daha rahat keçir.
Beşinci nəsil hibrid elektrik texnologiyası
Corolla Sedan modeli Toyota şirkətinin hibrid elektrik texnologiyası sahəsində misilsiz təcrübəsinin məhsuludur. Yeni PCU (enerji qidalanma bloku) və yüngül, yığcam, güclü batareya sayəsində Corolla Sedanın beşinci nəsil hibrid elektrik sistemi müasir güc qurğusunun parlaq nümunəsidir.