FT-MV

Toyotadan yeni FT-MV – miniven konsept-karının yeni nəslidir. O, özünün cürətli və qətiyyətli dizaynı ilə fərqlənir. Salonun yumşaq və sakit işıqlandırılması kuzovun aqressiv cizgiləri ilə xoş təzad təşkil edir.

Ənənəvi rahat qabaq oturacaqlarla yanaşı, FT-MV-ni işləyib hazırlayanlar ikinci sıra sərnişin kreslolarına xüsusi diqqət yetirmişlər. Dəbdəbəli kreslolar ayaq üçün avtomatik dayaqlarla təchiz olunmuşdur. Detalların bu cür uzlaşması avtomobilin salonunu nəfis və maksimal dərəcədə rahat edir. Bununla yanaşı, yeni konsept-karın ölçüləri əvvəlki nəsil minivenlərin ölçülərindən kiçikdir. Onun uzunluğu cəmi 4 900 mm, eni isə 1 850 mm təşkil edir.